Pesquisar neste blogue

domingo, 20 de julho de 2008

NOTA DE IMPRENSA DO BNG DE CHANTADA




A passada sexta-feira os meios de comunicaçom recolhêron a denúncia da Confederaçom Intersindical Galega (CIG) contra o Governo Municipal de Chantada por supostas irregularidades no processo de selecçom do pessoal dos GRUMIR, polo que nos vemos na obriga de precisar publicamente a postura do BNG de Chantada e da companheira e companheiros que formam parte da equipa de governo.

Desde o primeiro momento da chegada ao governo municipal o BNG tem como especial preocupaçom, nos processos selectivos em que intervém, garantir a igualdade de oportunidades, transparência e selecçom com base no mérito e capacidade das candidatas e candidatos. E assí se vem fazendo em todos e cada um dos processos selectivos em que intervém o BNG.
No Acordo de Governo PSOE-BNG recolhe-se a obriga de garantir a transparência e a igualdade em qualquer contrataçom de pessoal na que intervenha a Cámara Municipal.
No caso concreto da selecçom do pessoal dos GRUMIR, nem o Grupo Municipal do BNG nem nengum dos seus membros participárom nem directa nem indirectamente na selecçom. A postura do BNG está nidiamente reflectida na acta da Junta de Governo Local exposta no taboleiro de anúncios da Cámara e que ajuntamos, e mais no escrito que dirigiu o Portavoz do BNG Ildefonso Pinheiro Díaz ao Alcaide com data de 20 de Junho de 2008 e que tamém achegamos.



Chantada a 19 de Julho de 2008

Abaixo-assinado: Xosé Álvarez Bugallo

RESPONSÁVEL LOCAL DO BNG